சமீபத்தில் வேலை முடிந்து ஆழ்வார்பேட்டையிலிருந்து குரோம்பேட்டைக்கு பேருந்தில் வரும்போது, பல்லாவரம் பேருந்து நிறுத்தத்தில் ஒரு அரசியல் கட்சியை சேர்ந்த பேச்சாளர் ஒருவர், “ஈராக் போரைக் கண்டித்து, புஷ்ஷை எதிர்த்து” ஆக்ரோஷமாக பேசி தீர்மானம் நிறைவேற்றிக் கொண்டிருந்தார். மேடையில் இருந்ததில் ஐந்தில் ஒரு பங்குதான் மேடை முன் அமர்ந்து அவர் பேசியதை கேட்டுக் கொண்டிருந்தனர். மேடையில் மொத்தம் ஐந்து பேர் இருந்தனர்.

புஷ்ஷை எதிர்த்து, மன்மோகன்சிங் தீர்மானம் நிறைவேற்றினால் கூட அதை அவர் கண்டுக்க மாட்டார். அவ்வளவு ஏன் ”ஒரு தடவ முடிவு பண்ணிட்டா அவர் பேச்ச அவரே கேக்க மாட்டார்” அப்படிப்பட்ட மனுசன் புஷ். இவ்வளவு இருந்தும்/தெரிந்தும் அந்த மனிதர், தொண்டை நரம்புகள் புடைக்க அனல் தெரிக்க பேசி காமெடி பண்ணிக்கொண்டிருந்தார். ”தீர்மானம்” என்றவுடனே எனக்கு ஏனோ அந்த பேச்சாளர் நினைவில் வந்து போகிறார்.

என் நண்பர் ஒருவரிடம், இந்த வருடம் உங்களுடைய தீர்மானம்(Resolution) என்ன? என்று கேட்க, அவரோ, “இனிமேல் எந்த தீர்மானமும் எடுக்க கூடாது என தீர்மானம் எடுக்கப் போறேன்” என்றார் நக்கலாக. அப்படி இல்லாம எதாவது ஒரு தீர்மானம் எடுத்து, அதை நிறைவேற்ற முயற்சி செய்றது நம்ம வழக்கம்.


இந்த வருடத்திற்கான என்னுடைய தீர்மானங்கள்:

1. நாளுக்கு ஒருவரை சிரிக்க (சிரிப்பாய் சிரிக்க அல்ல) வைக்கோனும்
2. வாரத்திற்கு ஒரு பதிவாவது (மொக்கையாவது) போடோனும்
3. மாதத்திற்கு ஒரு புத்தகம் (கத பொஸ்தகம் அல்ல) படிக்கோனும்.
4. வருடத்திற்கு நண்பர்களின் எண்ணிக்கையை ஒரு மடங்கு அதிகரிக்கோனும்.



Last but not least
இரண்டு வருடத்திற்கு ஒருமுறை மார்பக பரிசோதனை செய்து கொள்ளளுங்கள்( இது பெண்களுக்கு ). ஆண்கள் தமது குடும்பத்திலுள்ள பெண்களை இந்த பரிசோதனை செய்து கொள்ள அறிவுறுத்துங்கள்.(புத்தி சொல்றாராம்)

அனைவருக்கும் ஆங்கில புத்தாண்டு நல்வாழ்த்துக்கள்.

நீங்கள் கணக்கில் சிங்கமா? (எத்தனை நாளைக்கு தான் புலியையே கூப்பிடுறது), அஞ்சாம் வாய்ப்பாடு நல்லா தெரியுமா? உங்களை தான் தேடிகிட்டு இருக்கார் இங்கே ஒருத்தர். அய்யோ பாவம் அவர், ரெண்டு பேருக்கு இடையில் மாட்டிக்கிட்டு ரொம்ப கஷ்டப்படுறார். அவருக்கு கொஞ்சம் உதவி செய்யுங்களேன் உங்களுக்கு புண்ணியமா போகும்.

இடம்: வேதியியல் ஆய்வுக் கூடம்
தோற்றம்: விரிவுரையாளர்(யோக)வள்ளி, பேராசிரியர் (டுபுக்கு)ராமன் மற்றும் மாணவர்கள்
மாணவர்கள் அறக்க பறக்க தேர்வு எழுதிக் கொண்டிருக் கின்றனர். ராமன் மாணவர்களை வெண் மேகத்தை வெறித்து பார்க்கும் விவசாயி போல முறைத்து பார்த்துக் கொண்டு ரவுண்ட்ஸ் வருகிறார். அவ்வப்போது அவரது பார்வை வள்ளியையும் ரவுண்ட்ஸ் வருகிறது.

”என்ன ராசா? முருகா? என்னபா இது?” பேப்பர்களுக்கிடையே இருக்கும் பிட் பேப்பரை எடுத்து காட்டி கேட்டார் முருகனிடம்.

யோகவள்ளிக்கு முன்; யோகவள்ளிக்கு பின் என அவரது இரு அவதாரங்களை புரிந்தரியாத முருகன், “அது ஒன்னுமில்ல சார், கெமிக்கல் ஈக்குவேசன்ஸ் எல்லாத்தையும் தனியா ஒரு பேப்பரில எழுதிப் பார்த்தேன்“

”அப்படியா தம்பி” என்று அமைதியுடன் திரும்பினார், யோகவள்ளிக்கு பின் ராமன்.

ஆஹா இந்த லூச ஏமாத்தியாச்சு மனசுக்குள் முருகன்

(யோகவள்ளி குரலில்) யோகவள்ளியிடம்.. ”வள்ளி.. வள்ளி.. இங்க பாரு வள்ளி, குடிக்கவே இங்க தண்ணியில்லயாம்.. முருகனுக்கு கொப்பளிக்க பன்னீர் கேக்குதாம்”

”என்ன சொல்றீங்க ராமன்”

”அவன் அவன்.. எக்ஸாம் கொஸ்டின்ஸ்க்கே பதில் எழுத நேரம் கிடைக்காம அல்லாடிகிட்டு இருக்கான்”, மேலும் முருகனை காட்டி, “இங்கே ஒரு அதிபுத்திசாலி தனியா எல்லா ஈக்குவேசனையும் எழுதிப் பார்த்தேன்னு எங்கிட்டேயே பொய் சொல்லுது”

சிலம்பாட்டம் பார்த்து அக்னிபார்வைக்கு ஏற்பட்ட அதிர்ச்சி போல முருகன் விழி பிதுங்கி, ”மாப்பு.. வச்சுட்டாண்டா ஆப்பு” என்று வார்த்தையை மென்னு முழுங்கி நின்னான் வள்ளி முன்னே.

சமீபத்தில் 1950ல் புகழ் பெற்ற இயக்குனர் ஜப்பானிய இயக்குனர் அகிரா குரோசவா இயக்கிய கருப்பு வெள்ளை திரைப்படமான் ரோஸேமான்.  கமலின் விருமாண்டி படமும் இதே திரைக்கதை நுட்பத்தின் அடிப்படையில் எடுக்கப்பட்ட படமே.  அதேபோல் ஆயுத எழுத்து, Vantage Point இதே வழி தான். 

காட்டுவழியே மனைவியுடன் பயணம் செய்யும் சாமுராயை, காட்டுக் கொள்ளையன் கொலை செய்து விடுகிறான். சம்பவ இடத்தில் இருந்தவர்கள், சாமுராய், அவனது மனைவி, காட்டுக்கொள்ளையன், மறைந்து இருந்து பார்த்த மரவெட்டி மற்றும் விசயம் தெரிந்து மண்டபத்தில் மழைக்கு ஒதுக்கும் ஒரு நபர் என ஒவ்வொருவரின் பார்வையிலும் கதை விரிகிறது. இறந்த சாமுராய்க்கு அவனது ஆவியை துணைக்கு அழைக்கிறார்கள் சம்பவத்தை விவரிக்க. முழுக்க முழுக்க இயற்கை ஒளியில் அடர்ந்த காட்டில் எடுக்கப்பட்ட அற்புதமான படம்.

ஒரே கதையை அஞ்சு தடவ பார்த்தாலும் கொஞ்சம் கூட அலுப்பு தட்டவில்லை. இதில் குறிப்பிடத்தக்க இன்னொரு விசயம் என்னவெனில் உண்மையில் நடந்தது என்னவென்று யாருக்கும் (நமக்கும்) தெரியாமல் போவது தான்.  சாட்சிகள் ஒவ்வொருவரும் நேரில் பார்த்த் சம்பவத்தை வெவ்வேறு கோணங்களில் விவரிப்பதை தான் Rashômon  effect என பின்னாளில் நீதி மன்றங்களில் குறிப்பிட் ஆரம்பித்த்னர் அந்த அள்வுக்கு மிகப்பெரிய வெற்றியயும்/பாதிப்பையும் அரை நுற்றாண்டுக்கு முன்னரே ஏற்படுத்தி கொடுத்த படம்.

இந்த மாதிரி படங்களில் இயக்குனரும் ஒளிப்பதிவாளரும் ஒரே அலைவரிசையில் இருப்பது மிக அவசியமான ஒன்று.  அந்த வகையில் Akira Kurosawa-வின் ஆஸ்தான ஒளிப்பதிவாளர் Kazuo Miyagawa காட்டுக் கொள்ளையனின் குரூரத்தையும், சாமுராய் மனைவியின் அழகையும், சண்டையையும், ஆரம்ப/இறுதி மழைக் காட்சியையும் மிக நேர்த்தியாக காட்சிபடுத்தியிருப்பார். Akira -வை உலக அரங்கிற்கு எடுத்துச் சென்றமுதல் படம்.

இங்கு குறிப்ப்டபடவேண்டிய இருவர் காட்டுகொள்ளையனாக நடித்த Toshirô Mifune மற்றும் மரவெட்டியாக நடித்த Takashi Shimura,  இவ்விருவரும் Akira-வின் ஆஸ்தான நடிகர்கள்.  இவ்விருவரும் நடிக்க Akira இயக்கிய The Seven Samurai இன்றும் பல பலகலைகழகங்களில் மேலாண்மை சார்ந்த பாடமாக இருப்பதாக கேள்வி பட்டிருக்கிறேன். 

மூன்றரை மணி நேரம் ஓடும் இந்த கருப்பு வெள்ளை படம் - The Seven Samurai எனக்குள் ஏற்படுத்திய அதிர்வு மிக அதிபயங்கரமானது. Akira-வின் இந்த படமும் பல்வேறு மொழிகளில் பல்வேறு விதங்களில் மொழிமாற்றம் செய்யப் பட்டிருக்கிறது.  Akira-வின் இன்னொரு முக்கிய அம்சம் மழை சம்பந்தபட்ட காட்சிகள், மழை என்றால் அடித்து பெய்யும் அடைமழை தான், தூறல் மழைக்கெல்லாம் இவரின் படத்தில் இடமில்லை.

பத்திரிக்கை படிக்கும் ஆரம்பித்த காலங்களில் சிறுகதை, நகைச்சுவை, சினிமா செய்திகள், சுட சுட அன்றாட செய்திகள் இருந்தாலும். நான் விரும்பி படிக்க ஆரம்பித்தது கேள்வி-பதில் பகுதி தான். இந்த ஒரு பகுதியில் தான் கேள்வி கேட்பவர் மற்றும் பதில் கூறுபவரின் திறமையை ஒருசேர காணமுடியும். 

முதன்முதலில் படிக்க ஆரம்பித்தது தினத்தந்தியின் குருவியார் பதில்கள் தான். நிறைய நக்கல்..கொஞ்சம் தகவல்; நிறைய லொள்ளு.. கொஞ்சம் கண்ணியம் என முழுக்க முழுக்க சினிமா சம்பந்தபட்ட செய்திகளை கொண்டிருக்கும் கெள்வி-பதில் பகுதி அது. இன்றும் ரிலாக்ஸாக இருக்க குருவியாரின் பதில்களை படிக்கலாம். நான் கடைசியாக படிக்கும்போது (மச்சான்) நமீதாவின் சம்பந்தபட்ட செய்திகள் அதிகமாக இருந்தது. தவிர ஆண்டியார் பாடுகிறார், சாணக்கியன் சொல் மற்றும் கன்னித்தீவு பகுதிகளையும் தவற விடுவதில்லை

குமுதம் வார இதழில் அரசு பதில்களில் அரசியல் மற்றும் சினிமா செய்திகள் அதிகம் ஆக்கிரமித்திருக்கும், கொஞ்சமா விளையாட்டு சம்பந்த பட்ட செய்திகளும். பதில்கள் அனைத்தும் ரத்தின சுருக்கமாககும், அன்றைய சூழ்நிலைகளை ஒட்டியதாகவும் இருப்பது அதன் சிறப்பு. இந்த வாரம் அரசின் இந்த கீழ்க்கண்ட கேள்வி பதில் தான் இந்த பதிவுக்கு மூல காரணம்.
கேள்வி கேட்பது, பதில் சொல்வது இந்த இரண்டைப் பற்றி உங்கள் அபிப்ராயம்?
பதில் சொல்வதைக் காட்டிலும் கேள்வி கேட்பதுதான் மனித குலத்தை மேலும் முன்னேற்றிச் செல்லும் என்று படித்திருக்கிறேன்.

ஆனந்த விகடன் வார இதழில் மதன்/சுஜாதா பதில்கள். இவர்களது பதிலும் கிட்ட தட்ட அரசின் பதில் போல சினிமா, விளையாட்டு அரசியல் சம்பந்த பட்டதாக இருந்தாலும், இவர்களது தனிச்சிறப்பு அறிவியல் மற்றும் வரலாறு சார்ந்த பதில்களே; அதையும் சாமானியர்கள் புரிந்து கொள்ளுமாறு விளக்குவதே. இலக்கியவாதி சுஜாதவின் "கற்றதும் பெற்றதும்" நூலும். கார்ட்டூனிஸ்ட் மதனின் "வந்தார்கள்.. வென்றார்கள்.. சென்றார்கள்" நூலும் இதற்கு சான்று. 

தினமலரின் வாரமலர் அந்துமணி பதில்கள், சமூக மற்றும் அரசியல் சம்பந்த பட்ட பதில்களை இங்கே அதிகமாக காணமுடியும். அந்துமணியின் பதில்களில் பெண்ணியவாதமும் அறிவுரைகளும் (புத்தி சொல்றாராம்) நிறைந்து இருக்கும், இருந்தும் "அந்த" மாதிரி சர்வே சம்பந்த பட்ட பதில்களை மாதம் ஒருமுறை படிக்க முடியும்.

 வசந்தம் என்று ஒரு இலவச இணைப்பு வாரந்தோறும் ஞாயிறன்று தினகரன் இதழுடன் வந்தது. அந்நாளில் "கேளுங்கள் தரப்படும்" எனும் தலைப்பில் "சின்னராஜு" என்பவர் இலக்கியம், சமூக, அரசியல், சினிமா, விளையாட்டு என பலதரப்பட்ட செய்திகளை இவரது கேள்வி-பதில் பகுதியில் அள்ளி தெளித்திருப்பார். கால சுழலினால் இப்போது என்னால் இந்த இதழை என்னால் தொடர்ந்து படிக்க முடியவில்லை என்றாலும் எனது தமிழார்வத்திற்கு(தலைப்பிற்கும்) இவரும் ஒரு காரணம். கேள்வி பதில் என இல்லாமல், கதை, கட்டுரை என இவரது பங்கு "வசந்தம்" முழுவதும் வசந்தம் வீசச் செய்யும். துரதிர்ஷ்டவசமாக இவரை பற்றி எனக்கு வேறெந்த தகவலும் தெரியாது. தெரிந்தவர்கள் இங்கே பகிர்ந்து கொண்டால் எனக்கு மிகவும் பயனுள்ளதாக இருக்கும்.

பத்திரிக்கைகள் சில சமயங்களில் தாங்களே கேள்விகளை எழுதிவிடுவதாக கேள்வி பட்டிருக்கிறேன். ஆனால் வெளிப்படையாக கேள்வியும் நானே பதிலும் நானே என எழுதி வெளியிட்டவர் கலைஞர் கருணாநிதி மட்டுமே. தான் சொல்ல விரும்பும் செய்தியை கடிதமாக வெளியிட்ட இவர், அதிக மக்களை விரைவாக சென்றடைய கண்டறிந்த வழிதான் இந்த கேள்வி பதில் பகுதி. இவரது பதில்களிலே என்றென்றும் மறக்கமுடியாதது சர்க்காரியா கமிஷன் முன் "கனிமொழி யார்?" என்ற கேள்விக்கு இவரது புத்திசாலித்தன்மான பதில் தான்.  கேள்வி கேட்டவனை மட்டுமல்லாமல் ஒட்டுமொத்த மக்களையும் கேனையனாக்கிய பதில் அது. பதில் இது தான், "கனிமொழி எனது துணைவியார் ராஜாத்தி அம்மையாரின் புதல்வி". இப்படி பதிலளித்த அதே கருணாநிதி தான் "தினகரன் கொலை சம்பந்தபட்ட கேள்விக்கு".. "நீதாண்டா கொலைகாரன்" என்று பதிலளித்து "ஆனைக்கும் அடி சறுக்கும்" என்று நிரூபித்தார். 

 தமிழக்த்தில் வெளிவரும் பத்திரிக்கைகள் "கேள்வி-பதில்" என்றொரு பகுதியை கண்டிப்பாக இடம் பெறும்படி பார்த்துக் கொண்டன. மாத்ரூபூதமும், நாராயண ரெட்டியும் உடலுறவு மற்றும் பாலியல் சம்பந்தபட்ட பதில்களை பார்த்துக் கொண்டனர்.

தொலைகாட்சிகள் இதற்கு விதி விலக்கு; கேள்வி-பதில் சம்பந்த பட்ட நிகழ்ச்சி என்று ஒன்றே கிடையாது. ஏதாவது ஒரு பண்டிகை/விடுமுறை நாளில் அன்றைய பிரபல சினிமா சம்பந்தபட்ட பிரமுகத்தை அவர் காலையில் ஆய் போவதிலிருந்து இரவு கொட்டாவி விட்டு தூங்குவது வரைக்கும் "பிரபலத்துடன் ஒரு நாள்" எனவும் "பேட்டி" என்ற பெயரில், "அந்த நடிகையை/நடிகரை கட்டிபிடிக்கும் போது என்ன/எப்படி உணர்ந்தீர்கள்?" என்ற சமூக விழிப்புணர்வை ஏறப்டுத்த கூடிய கேள்விகளும்(அசிங்கங்களும்) அரங்கேறின. 

 இந்த மாதிரி நிகழ்ச்சிகள், சினிமா சம்பந்தபட்டவர்கள் எல்லாருமே "டுபுக்குகள்" என்ற எண்ணத்த ஏற்படுத்த தவறவில்லை. ஆனால் அதுவல்ல உண்மை, உதாரணத்திற்கு, நடிகை கஸ்தூரி மிகச்சிறந்த அறிவாளி, மிஸ். சென்னை பட்டம் பெற்றவர். "கோன் பனேகா குரோர்பதி"  நிகழ்ச்சிக்கு கேள்விகளை தயார் செய்யும் பிரிவில் பணிபுரிந்திருக்கிறார் அதுமட்டுமல்லாமல் இவரது தம்பி ஆசியாவிலேயே கணிதத்தில் இரண்டாவதாகவோ மூன்றாவதாகவோ வந்தார். இவரை போல த்ரிஷா, விவேக், கமலஹாசன் மற்றும் அனைத்து கவிஞர்களும் திறமைசாலிகள் தான், இவர்களிடமாவது ஓரவளவு புத்திசாலித்தனமான கேள்வி கேட்கிறார்களா? அதுவும் இல்லை. யார் மட்டமான கேள்வி கேட்பது என ஒரு மறைமுக போட்டியே நடைபெறுகிறது தொலைக்காட்சிகளுக்கிடையே. 

 ஆனால் அதிர்ஷ்டவசமாக வெளிநாட்டு தொலைக்காட்சிகள் இந்த மாதிரி தவறுகளை அதிகம் செய்வதில்லை. சிங்கப்பூர் வசந்தம் சென்ட்ரல் தொலைக்காட்சியில், காதல் மன்னன் ஜெமினி கணேசன், இயக்குனர் பாலா, கவிஞர் வைரமுத்து மற்றும் பத்மஸ்ரீ கமலஹாசன் ஆகியோர்களின் பேட்டியை கேட்கும்/காணும் வாய்ப்பு கிடைத்தது. 

 உதாரணமாக கவிஞரிடம் நிருபர் இந்த மாதிரி ஒரு கேள்வி கேட்டார் "தனிமனித துதி பாடி, பாட்டெழுதிகிறேர்களே, இது ஆரோக்கியமான விசயமா?". அதற்கு அந்த வெள்ளாடை வேந்தர் ," ஒரு பிரபலம் சொல்வதை கேட்க பலர் இருக்கிறார்கள் எனில், அவரது குணநலன்களை உயர்த்தி சொல்லலாம், அது கேட்கும் சாமானியனுக்கு ஒரு உதாரணமாக இருக்கும்" என்று பொருள்பட பதிலளித்தார். விடை பெறும் போது, கேள்வி கேட்டவரை பாராட்டவும் செய்தார்.

 அதேபோல, கமலிடம் ஒருவர், "மும்பை எக்ஸ்பிரஸ் - நஷ்டத்தை எப்படி எடுத்துக் கொள்கிறீர்கள்?" என்றார். "நஷ்டம் என்று எதை குறிப்பிடுகிறீர்கள்? நாம் இழந்த எதை திரும்ப பெறமுடியாதோ அது தான் நஷ்டம், அந்த வகையில் நேரத்தை மட்டுமே இழந்தேன் அதிலும் சில விசயங்களை கற்றுக்கொண்டேன்" என்றார் முத்தாய்பாக. 

 தற்போது உள்ளூர் தொலைக்காட்சிகளில், விஜய் தொலைக்காட்சி இதற்கு கொஞ்சம் விதி விலக்காக உள்ளது குறிப்பிடத்தக்க ஒன்று. இவர்கள் தான் "புதிரா? புனிதமா?" என மாத்ரூபூததை வைத்து பாலியல் கேள்வி-பதில் நிகழ்ச்சியை வழங்கினார்கள். பல்வேறு நிகழ்ச்சிகளில் நிறைய எழுத்தாளர்களை இப்போது காண முடிவது மனதுக்கு இதமளிக்கிறது, இது ஒரு ஆரோக்கியமான வளர்ச்சியாக தோணுகிறது.

படம் பூரா தீ தான். கால், கை, முகம், பைக் என எல்லாம் தீ. ஆனா சட்டை, பேண்ட் மட்டும் அப்படியே தீப்பிடிக்காம அப்படியே இருக்கு. செங்குத்தா இருக்கும் கட்டிட்த்துல பைக் ஓட்டுறார். ஆத்து தண்ணி மேல பைக் ஓட்டுறார், வழக்கமான சூப்பர் மேன் கதை தான், அப்படியே போனா போகுதுன்னு பொதுநலத்தையும் பாத்துகிறார், Eva Mendes-ஐ லவ்வவும் செய்கிறார் இந்த Ghost Rider. 

மோட்டார் சைக்கிள் சாகச வீர்ர் Nicolas Cage, தன் தந்தையை காப்பற்ற தனது ஆவியை(SOUL) ஒரு சாத்தானிடம் ஒப்படைக்கிறார், இதனால் ஏற்படும் விளைவுகளை விளக்குவது தான் Ghost Rider. 

Eva Mendes செதுக்கி வச்ச சிலை மாதிரி அம்சமா இருக்கிறார். இடது கன்னத்துல மச்சம் வேற, சொல்லவும் வேணுமா என்ன. காதிலிருந்து தொடங்கும் கீழ் தாடை முக்கோண வடிவில் இருப்பதை வச்ச கண்ணு வாங்காமல் பார்க்கலாம். சின்ன வயசு Eva Mendes நல்ல ஒற்றுமை, அவளுக்கும் அதே மாதிரி ஒரு மச்சத்தை ஒட்ட வச்சிருப்பது அசத்தல்.

சௌந்தர்யா சுல்தானை முடிச்சுட்டு சும்மா இருந்தா இந்த படத்த ரஜினியை வச்சு எடுக்கலாம். தீயை டால்ஃபின் வடிவத்துல எரிய விடலாம். Ghost Rider பண்ற சாகசத்துல பாதியை ரஜினி எப்பவோ பண்ணிட்டார். அப்படி ஒரு 100% மசாலா படம். படம் முழுவதும் அனல் தெரிக்குது. இந்த டிசம்பர் மாத குளிர்லேயும் என் உடம்பு பூரா சூடாகிடுச்சுனா பார்த்துக்கங்கோ (அதுக்கு Eva Mendes காரணமல்ல என்பதை கனிவுடன் தெரியபடுத்திக் கொள்கிறேன்).

ரோட்டுல Eva Mendes-ஐ சேஸ் செய்யும் காட்சி அருமை. ஆனா, ஃபுட் பால் கிரவுண்ட்ல ஹெலிகாஃப்டர்களுக்கு/டிரக்குகளுக்கு மேல பறக்கும் காட்சி காதுல ஒரு கூடை ப்ப்பூ, இருந்தாலும் ரஜினியை கற்பனை பண்ணி பார்த்த்துனால ரொம்ப சுவாரசியமா இருந்த்தது

குடுத்த காசுக்கு குறை இல்லாம ரெண்டு மணி நேரமும் வேகமா போகுது. லாஜிக் இல்லா மேஜிக்கிற்கு Ghost Rider பார்க்கலாம்.

வருஷம் முழுவதும் நம்மள போட்டு பார்க்கிற Project Damager-ஐ நம்ம போட்டு பார்க்கிற நேரம் தான் இது. That is PARTY TIME! வருச கடைசி ஆயிடுச்சு வாங்க கொண்டாடுவோம்-னு எதாவது ஓர் உணவகத்துக்கு Damager-ஐ கூட்டிட்டு போய் மொய் எழுதிட வேண்டியது. ஏதோ பொருளாதார முன்னேற்றத்துக்கு எங்களால் முடிந்த ஒரு சிறு முயற்சி.

எங்களுக்கும் அப்படி வாய்ப்பு அமைந்தது இன்று. எங்க Damager கூட நாங்க போன இடம் P.F.CHANG’s.  இது ஒரு சங்கிலி தொடர் சீன உணவகம்( Chain of Chinese Restaurent).  சீன உணவு வகைகளை அமெரிக்க தரத்துடன் தருவது இந்த உணவகத்தின் சிறப்பு.

எல்லா சீன உணவகங்களில் சாப்பிட்டு முடித்த பிடித்தபிறகு, பில்லோடு சேர்த்து Fortune Cookie-யும் தருவார்கள், அதில் ஒரு அடைமொழி (எதிர்காலம் குறித்து) வாசகம் இருக்கும், பொதுவா அந்த வாசகம், நல்ல விசயமாகத்தான் இருக்கும் (வியாபாரத் தந்திரம் தான்).

என் நண்பர், என்னிடையே இதை படிப்பது பற்றி விளக்கினார். அதாவது எல்லா வாசகத்திற்கு பிறகும் “in bed”  சேர்க்க சொன்னார். என்ன ஆச்சர்யம் “in bed”  சேர்த்து படிச்சு பார்த்தா செம காமெடியா இருந்தது. எங்களுக்கு கிடைத்த அனைத்து அடைமொழி வாசகங்களும் கீழே:

Hope is the most precious
treasure to a person.

Honesty and friendship
bring you fortune.

You are known for being quick
in action and decisions.

Do not mistake 
temptation for opportunity

படத்திலிருக்கும் அடைமொழியை மறுபடியும் திரும்ப படிங்க.

ரஷ்யாவிற்கு எதிரான ஆஃப்கன் முஜாகிதீன்களின் போரில், அமெரிக்காவின் அப்போதைய Texas Representative, Charlie Wilson-ன் பங்கு முக்கியமானது. போதுமான ஆயுதங்கள் இல்லாமையால் ரஷ்யாவின் போர் ஹெலிகாப்டர்களின் தாக்குதல்களுக்கு தாக்குப்பிடிக்க முடியாமல், பேரிழப்பை சந்திக்கின்றனர் ஆஃப்கன் முஜாகிதீன்கள். இதனால் நாட்டை இழந்து பாகிஸ்தானின் எல்லையில் அகதிகளாக வாழ்கின்றனர் ஆஃப்கன் மக்கள். அப்போதைய அமெரிக்க அரசாங்கம் 5மில்லியன் அமெரிக்க டாலர்களை தந்து உதவுகிறது. ஆனால் அது ”யானை பசிக்கு சோளப்பொறி” மாதிரி என்பதை நேரில் பார்த்த சார்லி உணர்கிறார்.

பின்னர் தன்னுடைய திறமையினாலும் மற்றும் தோழியின் உதவியினாலும் பல எதிர்ப்புகளை தகர்த்து, கொஞ்சம் கொஞ்சமாக உதவித் தொகையையும் போர்க்கருவிகளையும் அதிகப் படுத்துகிறார். ஆஃப்கன் முஜாகிதீன்கள் அவ்வுதவியை பயன்படுத்தி தொடர் வெற்றிகளை குவிக்கின்றனர், இதனால் 5மில்லியன் உதவித் தொகை படிப்படியாக உயர்ந்து 500 மில்லியனாக மாறுகிறது. இறுதியில் முஜாகிதீன்கள் ரஷ்யாவை -“அமெரிக்கர்களின் எதிரியை” விரட்டியடிக்கிறார்கள் அமெரிக்காவின் துணையுடன். அதோடு பட்த்தை முடித்திருந்தால் ”பத்தோடு பதினொன்னு அத்தோடு இது ஒன்னு” –னு ஆகி இருக்கும். ஆனால், வெற்றிக்குப்பின் அமெரிக்கா செய்த தவறையும் இந்த படம் தெரிவிக்கிறது தான், இப்படத்தின் சிறப்பம்சம்.

பின்லேடன் அமெரிக்காவின் இரட்டை கோபுரத்தை தாக்கிய போது எல்லோரும் ”வளர்த்த கிடா மார்ல பாய்ஞ்சுடுச்சு” –னு சொன்னாங்க.. ஆனால் இப்படத்தின் மூலம் தெரியவருவது.. பாய்ந்தது வளர்த்த கிடா அல்ல.. வஞ்சிக்கப்பட்ட கிடா என்று.

Mike Nicholas இவர் இயக்கிய The Graduate, Dustin Hoffman-க்கு திருப்புமுனையை ஏற்படுத்தி கொடுத்த, பொருந்தா காமம்/காதலை விளக்கும் படம், இதே கதையின் தொடர்ச்சியாக (இரண்டாம் பாகம் மாதிரி) Jennifer Aniston நடித்த Rumor Has It… என்ற நகைச்சுவை படம் வெளி வந்தது. அதன் பின் அவர் இயக்கிய படங்களில் எனக்கு பிடித்தது (பார்த்தது) Working Girl. Harrsion Ford, Sigourney Weaver and Melanie Griffith நடித்த நகைச்சுவை படம், இதில் Melanie- திறமையை அழகாக வெளிப்படுத்திருப்பார், அதன் காரணமாக சிறந்த நடிகைக்கான Oscar விருதுக்கும் பரிந்துரை செய்ய பட்டார். Melanie-க்கு அப்படியே அவர் அம்மா Tippi Herden-ன் ( இவரும் நடிகையே, The Birds - பார்க்க வேண்டிய படம்) முகம் மற்றும் (கொஞ்சலான)குரல். அடுத்து பிடித்தது Closer, Natalie இந்த படத்தில் Julia Roberts உடன் போட்டி போட்டு நடித்திருப்பார். அதை தொடர்ந்து 1980-களில் நடந்த உண்மை சம்பவங்களை அடிப்படையாக கொண்டு எடுக்கப்பட்ட படம் தான் Charlie Wilson’s War.

மூன்றே மூன்று முக்கிய கதாபாத்திரங்கள் தான், Tom Hanks, Julia Roberts and Seymour Hoffman. Tom Hanks, Charlie Wilson ஆக வருகிறார். புட்டி..குட்டி என அஜால்.. குஜாலாக தொடங்குகிறது படம், மதப்பற்றில்லாத, சமூக அக்கறையுள்ள ஒரு பெண்பித்தர் கதாபாத்திரம் இவருக்கு.

Julia Roberts, கிறிஸ்தவ மதத்தை பரப்பும் பெண்ணாக வருகிறார். அரசியலில் மதம் எவ்வளவு கலந்திருக்கிறது என்பதற்கு இவருடைய பாத்திரப் படைப்பே சாட்சி.

அடுத்து CIA Agent ஆக Seymour Hoffman , படத்தில் இவருடைய ஆரம்பமே அருமை. நல்ல Counter Attack வசனங்களை கொண்ட அருமையான காட்சி அது. உள்ளே கன்னா பின்னா-னு திட்டி விட்டு வெளியில் வந்து Typist-டம் “How was I ?“ என விமர்சனம் கேட்பது செம நக்கல். இறுதிகாட்சியில் ஆஃப்கன் நலனுக்காக Tom –மிடம் வார்த்தையால் மோதும் போது அவர் காட்டும் உணர்ச்சிகள் கன கச்சிதம். இந்தப் படத்தில் நடித்ததற்காக சிறந்த துணை நடிகருக்கான Oscar விருதுக்கு பரிந்துரைக்கப்பட்டார்.

இந்த மூன்று ஜாம்பவான்களுக்கிடையே தன்னாலும் ஜொலிக்கமுடியும் நிரூபித்திருக்கிறார் Amy Adams – Tom Hanks-ன் செக்கரெட்டரி. “Catch Me If You Can” படம் அவருக்கு சரியான திருப்புமுனையை தரவில்லையென்றாலும். அதற்கு முன் நடித்த “Cruel Intention II” குரூரம் நிறைந்த அந்த திமிரான இன்னும் என் நெஞ்சில் நிழலாடுகிறது. அதற்கு நேரெதிராக இப்படத்தில் Tom-மின் நலனில் உண்மையான அக்கறை கொண்ட ஒரு மென்மையான செக்கரெட்டரி கதாபாத்திரம். Tom போதை வழக்கில் மாட்டிக் கொள்ளும் போது இவர் தவிப்பதிலாகட்டும், Tom-ன் சாமர்த்தியத் தனமான பேச்சை கேட்டு ரசிப்பதிலாகட்டும் ஒருவித ஒருதலைக் காதல் உணர்ச்சியை வெளிப்படுத்தியிருப்பார்.

அவ்வளோ பணம் செலவழிச்சு ஆஃப்கன் முஜாகிதீன்களை வைத்து ரஷ்யர்களை விரட்டிய அமெரிக்கா, போர் முடிஞ்சதும் சிதலமடைந்த ஆஃப்கனையும் அந்நாட்டு மக்களின் நலனைப் ப்ற்றியும் சிறிதும் கவலை படாமல் அப்படியே நட்டாற்றில் விட்டுவிட்டது. போர் முடியும் போது ஆஃப்கன் மக்கள் தொகையில் பாதிப்பேர் 14 வயதுக்குட்பட்டவர்கள், போரினால் மனதால் பாதிக்கப்பட்டவர்கள். அவர்களின் நலனுக்காக 1 மில்லியன் அமெரிக்க அரசிடம் கேட்டு போராடி தோற்றுப்போகிறார் சார்லி. அப்போது அவர் கூறும் ஒரு ”நச்” வசனம். The ball keeps on bouncing. அது தான் நடந்தது 2001ல்.

பொதுவா போர் தொடர்பான படங்களில் நகைச்சுவை அவ்வளாக இருக்காது. ஆனால் இந்த படத்துல அப்படி ஒரு குறை இல்லை.

எனக்கு பிடித்த சில முத்தான வசனங்கள்...

செக்கரெட்டரி Amy , Tom-மிடம். Why can’t you wait for newspapers like everybody else?
பதிலுக்கு Tom – ஒருவித புத்திசாலிதன தோரனையுடன் Because I think it’s productive to know today’s news today. And it makes me one day smarter than you, which I enjoy as well.

Creche பிரச்சினையை பற்றி பேச Tom-ன் அலுவலகத்துக்கு வரும் Larry, Receptionist-டிடம் - It seems to me, looking around, that it’s almost all women working here, and that they’re all very pretty. Is that common?
பதிலுக்கு Receptionist, Congressman Wilson, he has an expression. He says, “You can teach them to type, but you can’t teach them to grow t*ts.”

Seymour Hoffman ஆரம்ப காட்சி

Seymour –ன் மேலாளர் அதிகார தோரனையுடன், I am not looking to humiliate you or exact a price in anyway, so why don’t you just apologize?
Seymour ரொம்ப நக்கலா பதிலுக்கு Excuse me, what the f*** are you talking about?
மேலாளர் -Claire George was said you were coming in here to apologize.
Seymour மறுபடியும் தெனாவெட்டா, No. I’m supposed to come in here so you could apologize to me.
மேலாளர் கோபத்துடன் According to whom?
Seymour ரொம்ப சாதாரணமா, Claire George
மேலாளர் மறுபடியும் தீராத கோபத்துடன் You told me to go f*** myself. I’m supposed to apologize to you?

பாகிஸ்தான் அதிகாரி: So do you understand the situation on our border
Tom புஷ் மாதிரி அசடு வழிய Yes sir , I think I do And I think it’s terrible

Tom, Seymour –டம் Were you standing at the goddamn door listening to me? மீண்டும் பரிதாபமாக That’s thick door
Seymour ரொம்ப கூலா, I wasn’t standing at the door, I bugged the Scotch bottle

இஸ்ரேல் ஆயுத வியாபாரி: We just got done fighting a war with Egypt and every person who has ever tried to kill me and my family, has been trained in Saudi Arabia.
Seymour ரொம்ப சாதாரணமா,That’s not entirely true, ZVI. Some of ‘em trained by us

Tom-ன் போதை வழக்கு விடுதலைக்கு பிறகு..

Julia மதப் பற்றுடன், He may be in trouble with the press, but he stayed out of jail. You don’t see God’s hand in this?
Seymour வழக்கம் போல ரொம்ப கேஷுவலா, Well, reasonable people can disagree, but I don’t see God anywhere within miles of this. On the other hand, If you slept with me tonight, I bet you I could change my mind in a hurry.

Seymour, Tom-மிடம் இறுதி காட்சியில் You are not stupid. You are just in congress